登分系統使用説明

本頁介紹成個粵音朗讀考試（CRAT）改卷系統嘅使用流程。其中藍色嘅係營運小組/技術管理員嘅操作，綠色嘅係所有評分/改卷人嘅操作。

每次考試前，營運小組要準備下面嘅嘢：

  1. 一個有齊所有考生考號、屆數、試題分配嘅 csv 文件，用嚟導入考生信息。格式如下：
    2. id,name,examId,time,gaapQuestionId,jyutQuestionId,bingjatQuestionId,bingjiQuestionId,description
    202101071,劉佳音,202101,09:00-09:30,08,07,59,44,
    202101002,劉智勇,202101,09:00-09:30,05,06,59,60,考生信息可以留空
  2. 更新當屆考試嘅甲乙部試題，gaap.json同jyut.json。丙部一般嚟講唔使更新，但係如果有，都要換埋bing.json。
  3. 更新taskPool.json，特別係丙部嘅篇章題目。

其中 1 嘅 csv 係導入考生數據嗰陣用到，2 3 就 都需要代碼維護人向代碼庫度推新代碼，即係改啲 Json 文件。右面嘅流程會講具體點做👉

如果導入咗錯誤嘅考生信息，需要修改或者刪除考生重新導入，請聯繫管理員。

每次改卷流程

1 考試前準備

  1. 管理員根據考生信息 excel 表生成一個 CSV 文件，注意文件內有所有考生嘅試題分配、考試時間，然後去 導入考生信息頁面導入。
  2. 更新題庫，將甲乙部嘅圖片 push 到代碼庫嘅 /public 文件夾度，另外檢查taskPool.json 入面嘅丙部文章標題啱唔啱。
  3. 去 生成試題 頁生成試題 pptx 文件，準備攞去考試。

2 考試

3 改卷前準備

  1. 管理員去 分配改卷 頁面揀每個部分配嘅考官，然後撳 生成分配 然後 確定導入。
  2. 生成出嚟嘅考官分配可能會唔均衡，要管理員人手喺 改卷分配列表 嗰度手動調整。
  3. 改卷之前要先更新試題預覽數據，將 /public 入面嘅 gaap.json、jyut.json、bing.json 都更新好，推送到代碼庫部署，然後先可以宣佈開始改卷。

4 第一輪改卷

  1. 所有改卷人去 改卷 頁可以見到自己分配到嘅卷，撳入去開始改卷。所有人嘅改卷進度都可以喺管理員面板度睇到。改得嘅分數亦都可以喺首頁嘅分數總表度顯示

5 第一輪改卷結束準備覆核

  1. 改晒卷之後，管理員去 分配仲裁 頁，先睇 原始成績 檢查分數完整，然後撳 導出分數同待仲裁名單。
  2. 等出現「導出分數成功」之後去 需仲裁列表 度幫每個部分指定仲裁改卷人，跟住分別撳 分配仲裁。
  3. 自動生成嘅仲裁分配都有可能唔均衡，所以都係要去管理員面板嘅 改卷分配總表 人手調整。然後就可以宣佈仲裁員改卷，仲裁改卷嘅過程同第一輪改卷冇區別，改卷人係睇唔出自己係仲裁定係改第一輪卷嘅。

6 第二輪覆核

  1. 改卷人去返 改卷 頁，好似之前改卷噉再改分配到嘅卷。

7 最終確定成績

  1. 管理員再次導出成績，檢查有冇帶 ！ 嘅分數，對呢啲分數進行最終複核
  2. 對於需要再次修改嘅成績做最終微調，跟住正式獲得所有考生嘅最終分數